Amazon компанийг үндэслэгч Жефф Безосын хуучин эхнэр, дэлхийн хамгийн баян эмэгтэйчүүдийн нэг Маккензи Скотт жирийн багштай гэрлэсэн тухай Bloomberg мэдээлэв. Тавин настай тэрбумтан хатагтайн нөхрийг Дэн Жуэтт гэдэг бөгөөд Сиэтл хотын нэгэн хувийн сургуульд байгалийн ухааны багшаар ажилладаг ажээ. Гэрлэлтийн тухай Дэн Жуэтт анх олон нийтэд мэдээлж Giving Pledge хэмээн буяны хандивын цахим хуудсанд захидал гаргажээ.
‘Хэзээ ч хөрөнгө мөнгөтэй болно гэж хөөцөлдөж яваагүй надад ийм захидал бичих нь хачирхалтай санагдаж байна. Азаар би хамгийн өглөгч, сайхан сэтгэлтэй хүнтэй ханиллаа. Асар их хөрөнгөө бусдын төлөө зориулах гэж байгаа түүнтэйгээ би одоо нэгдэн нийлж хамт байна’ хэмээн багш бичжээ.
Өнгөрсөн оны есдүгээр сард Маккензийн хөрөнгийг 68 тэрбумаар үнэлсэн ба хэсэг зуур дэлхийн хамгийн баян эмэгтэйгээр нэрлэгдэж байсан юм. Одоо түүний хөрөнгө $53,5 тэрбумаар хэмжигдэж тэрбумтнуудын жагсаалтын 22-т бичигдэж байна.
Жефф Безос, Маккензи Скотт нар 1992 онд хөрөнгө оруулалтын D.E. Shaw санд ажиллаж байхдаа танилцаад дараагийн жилд нь гэрлэж байв. Тэд 1994 онд Сиэтлд ирээд Безос Amazon.com. компанийг үүсгэн байгуулжээ. Дөрвөн хүүхэдтэй хосууд 2019 онд гэрлэлтцээ цуцлуулсан ба Безос салахдаа Скоттод компанийнхаа хувьцааны дөрвөн хувийн 19,7 сая хувьцааг өгсөн нь тухайн үедээ $38,3 тэрбумаар үнэлэгдэж байв.
Сэтгэгдэл бичих