Манай улсад Соvid-19-ийн эсрэг вакцинжуулалт долоо дахь өдрөө үргэлжилж байна. Ерөнхий сайд Л.Оюун-Эрдэнэ Соvid-19-ийн эсрэг дархлаажуулалтын ‘AstraZeneca’ вакцины анхны тунг хийлгэсэн. Эхний удаад зорилтот бүлгийн 16 байгууллагын 14092 хүнийг хамруулахаар төлөвлөсөн. Үүнээс хоёрдугаар сарын 28-ны байдлаар 7460 хүн вакцинжуулалтад хамрагдаад байна.
Эхний ээлжинд эмч, онцгой байдал, цагдаа нарыг вакцинжуулах хуваарьтай ч УИХ-ын гишүүд энэ сарын 9-нөөс 14-ны хооронд “AstraZeneca” вакцины эхний тунг хийлгэхээр болжээ.
Угтаа вакцинжуулалтад хамрагдах шат дарааллыг дараах байдлаар гаргасан.
| ЗОРИЛТОТ ХҮН АМ | Хамрагдах хүн амын тоо | Нийт хүн амд эзлэх хувь | |
| 1 | Эрүүл мэндийн салбарын нийт ажилчид | 56.047 | 1.7% |
| 2 | Хариу арга хэмжээний багт ажиллаж буй бусад салбарынхан (онцгой байдал, цагдаа гэх мэт) | 52.750 | 1.6% |
| 3 | 50-аас дээш насны хүн ам | 583.545 | 17.7% |
| 4 | Хөгжлийн бэрхшээлтэй иргэд | 230.781 | 7% |
| 5 | Суурь өвчтэй хүмүүс (зүрх судас. чихрийн чижин, хорт хавдар гэх мэт) | 276.937 | 8.4% |
| 6 | Дайчлах боломжтой ажиллагсад (вакцинжуулалт хариу арга хэмжээний багт ажиллана) | 65.937 | 2% |
| 7 | Стратегийн ач холбогдолтой салбарын ажилчид (хил, гааль, нүүрс тээврийн жолооч гэх мэт) | 329.687 | 10% |
| 8 | Бүх шатны боловсролын байгууллагын ажилчид | 69.234 | 2.1% |
| 9 | Вакцинжуулалтад хамрагдах шаардлагатай бусад хүн ам | 313.202 | 9.5% |
| 1.978.120 | 60% |
Одоогоор Эрүүл мэндийн салбарын нийт ажилчдад ч вакцинжуулалт хийгдэж дуусаагүй байхад УИХ-ын гишүүд оочер дайран яаралтай хийлгэж байгаа нь аминдаа хайртайгийн шинж болов уу.
УИХ-ын гишүүдийн дараа УИХ-ын Тамгын газрын ажилтнуудад вакцин хийхээр төлөвлөжээ.
Сэтгэгдэл бичих