‘Тоастмастерс Монгол’ ТББ нь Дэлхийн илтгэлийн өдрийг тав дахь жилдээ 2021 оны гуравдугаар сарын 15-ны өдөр онлайн хэлбэрээр зохион байгуулах гэж байна. Энэ удаагийн Дэлхийн илтгэлийн өдөр нь ‘HUMANITY AT A CROSSROADS’ сэдвийн хүрээнд болно.
Энэхүү өдрийг анх английн зохиолч, олон улсын уран илтгэгч Simon Gibson санаачлан 2015 оноос хойш зохион байгуулж байгаа бөгөөд жил бүрийн 3 сарын 15-нд дэлхийн улс орнуудын олон оролцогчдыг хамруулсан арга хэмжээ болдог уламжлалтай.
2021 оны олон улсын тэмдэглэлт өдөрт нийтдээ 100 гаруй улс орон оролцохоор төлөвлөөд байна. Уг үйл ажиллагаа нь өөрсдийн амьдралд эерэг өөрчлөлт авчрах, бусдын амьдралд их, бага хэмжээгээр нөлөө үзүүлэх, илүү сайн сайхан амьдрах орчин, эх дэлхийг бий болгохын төлөө хэн ч гэсэн өөрийн дуу хоолойгоо өргөх боломжийг олгодгоороо онцлог юм.
Арга хэмжээ нь энэ жилийн нөхцөл байдлаас шалтгаалан онлайнаар зохион байгуулагдаж байгаа аж.
Монгол орны өнцөг булан бүрээс дуу хоолойгоо өргөхөөр 35 оролцогчид англи хэл дээр 3-5 минут илтгэл тавих бөгөөд тус илтгэлүүдийг бид өөрсдийн албан ёсны цахим хуудсаар дамжуулан олон нийтэд хүргэх ба worldspeechday.live платформ дээр дэлхий даяар шууд цацагдах болно.
Сэтгэгдэл бичих