Жинхэнэ хайр хүнийг царай зүс, хөрөнгө мөнгө, хэлбэр хэмжээгээр нь ялгадаггүй гэж ярьдаг билээ. Тэгээд ч хүн эцэг, эхээс заяасан биеэ организмаа сонгож төрдөггүй шүү дээ. Тэгвэл өнөөдөр бид та бүхэндээ намхан нуруутай эрчүүд бусдаас юугаараа онцлог болох мөн өндөр эмэгтэйг сонирхдог талаарх гадны сайтуудад бичсэн сонирхол татам, хөгжилтэй мэдээллийг хүргэж байна.
- Итгэх эсэх нь таны мэдэх хэрэг ч гэлээ, намхан залуус өндөр залуусаас илүү олон байдаг ажээ. Түүнчлэн судлаачдын үзэж буйгаар намхан залуус илүү сайхан сэтгэлтэй болох нь батлагджээ.
- Хэрэв та намхан залуутай үерхэхээр шийдсэн бол, дахиж өндөр өсгийт өмсөнө гэсэн бодлоо эртхэн авч хаях хэрэгтэй гэдгийг сануулъя. Учир нь та өндөр өсгийт өмсвөл түүнээс илүү өндөр болох бөгөөд энэ нь найз залуугийн тань хувьд сайхан санагдахгүй нь лавтай.
- Намхан залуус өндөр залуучуудыг бодвол, илүү романтик байдаг бөгөөд охидын сэтгэлийг булааж, өөрийн болгох тал дээр мэргэжилтэн л гэсэн үг. Магадгүй энэ нь тэдний гүйлгээ ухаан сайтай байдагтай холбоотой байж мэдэх юм.
- Охид, бүсгүйчүүд найз залуутай болохоороо түүнийхээ сорочкан цамцыг өмсөөд өглөөний цай бэлдэнэ гэж боддог нь нууц биш юм. Харин намхан залуутай үерхвэл энэ хүсэл тань биелэхгүй болов уу. Учир нь та түүнээс өндөр учраас хувцас нь танд таарах нь юу л бол…
- Өндөр залуусыг заримдаа хүзүүгээр нь тэврэхэд хэцүү байдаг билээ. Тэр ч бүү хэл, гарнаас нь хөтлөхөд өндөр намын зөрүү гарч, тав тухгүй мэдрэмжийг төрүүлдэг. Харин намхан залуусыг тэвэрч, гараас нь хөтлөхөд ямар ч асуудал үүсдэггүй байна.
- Цаашлаад Америкийн нэгэн мужын залуучуудаас та өндөр эмэгтэй сонирхдог уу хэмээн аман болон бичгээр судалгаа хийхэд 70 хувь нь өндөр эмэгтэй сонирхдог хэмээн хариулсан аж. Манай Улсын хувьд ихэнх залуучууд нь намхан нуруутай, тийм ч учраас өөрөөсөө өндөр эмэгтэйтээ гэрлэх тохиолдол өндөр байдаг байна.
Сэтгэгдэл бичих