Утаа улс төржих сэдэв биш шүү Баттулгаа

Олон жил шийдэлгүй явсан Агаарын бохирдлын эсрэг “Тавантолгой түлш” компанийг байгуулсан. Жил бүр амьсгалын замын өвчнөөр 400 нярай эндэж Эрүүл мэндийн зардал 4 тэрбумаар нэмэгдэж 4 их наядын хохирол нийгэмд учирдаг байсан юм билээ. Х.Баттулгаас эхлээд олон арван улс төрчид, компаниуд сайжруулсан шахмал түлшний үйлдвэр барих төсөв авдаг ч үр дүнд хүрч байсангүй.
Өнөөдөр сайжруулсан шахмал түлшний үйлдвэр рүү турхираад байгаа Х.Баттулга гэхэд л “Төгрөг нуур”-ын нүүрсний ордоо түшиглэн шахмал түлшний нүүрсний үйлдвэр барихаар Н.Алтанхуягийн Засгийн газраас хоёр тэрбум төгрөг авсан ч ажил болгоогүй байдаг юм. Монгол улс агаарын бохирдлын эсрэг барагцаагаар 500 тэрбум төгрөг үр ашиггүй хаясан гэх мэдээлэл бий.
“Таван толгой түлш” компани жил хүрэхгүй хугацаанд ашиглалтанд орж 220 мянган өрх айлын жилдээ 1,2 сая тонн хэрэглэдэг нүүрсийг орлох бүтээгдэхүүн үйлдвэрлэж эхэлсэн. Эхний жилдээ гэр хорооллоо түлшээр хангахын тулд чармайн ажилласан байх. Олон жил дураараа явсан ченжийн сэтэхгүйг өөрчлөх, тэд нарын сөрсөн тэмцлийг даван туулсан байдаг юм.
Иргэд ч гэсэн эхний жилдээ сайжруулсан шахмал түлшийг хэрэглэж чадахгүй байдал ажиглагдсан ч богино хугацаанд салахын аргагүй болжээ. Одоо түүхий нүүрс хэрхэн түлж байсан, өмхий үнэр хувцасанд шингэдэг талаар сонирхуулж байна лээ. Хамгийн гол нь утаагаар улс төрждөг, бизнес хийдэг явдал алга болсонд бухимдсан АН өө сэв хайсаар байгаа юм.
Сайжруулсан шахмал түлшний шуудай дээр “Агаарын бохирдлын эсрэг хүчээ нэгтгэе” гэсэн уриа байдаг. Энэ уриа нь 2020 оны МАН-ын сонгуулийн уриа болсон эртнээс бэлдсэн ажил байсан бололтой. Тиймээс АН-ын хувьд сайжруулсан шахмал түлшний үйлдвэрийг улс төр гэж хараад Ерөнхийлөгчийн сонгуулиас өмнө нэр төрийг нь унагахаар шийдсэн бололтой.