Сэлэнгэ аймгийн Алтанбулаг боомтоор Монгол Улсад орж ирэн, арваннэгдүгээр сарын 6-ны өдөр тусгаарлалтаас гарсан ачаа тээврийн автомашины жолооч болон түүний гэр бүлийн хүнээс kopoнaвиpycний халдвар илэрч, онош батлагдаад байгаа билээ.
Албаныхан тухайн иргэний маршрутыг гаргаж, хавьтагч нарыг тогтоон шинжилгээнд хамруулаад байгаа юм. Халдвартай жолооч нийслэлийн Баянзүрх дүүрэг Дарь-Эхэд хоёр хүүхдийн хамт ам бүл дөрвүүлээ суудаг бөгөөд тус айлын хашаанд хадмууд болон хамаатнууд нь мөн амьдардаг байжээ.
Улмаар эдгээр гэр бүлийнхнийг kopoнaвиpycний шинжилгээнд хамруулаад байсан бол шинжилгээний хариу эхнээсээ гарч эхэлжээ.
Тодруулбал, халдвартай жолооч Д-ийн хадам ээж болон хамт тоглолт үзсэн дүүгээс нь kopoнaвиpyc илэрсэн байна. kopoнaвиpycний халдвар авсан дүү нь МУБИС-ын оюутан гэх ба тэрбээр өнгөрсөн хугацаанд хичээлдээ явж байсан нь олон тооны хүнд халдвар тархаасан байж болзошгүй нөхцөл байдал үүсгэсэн гэх мэдээлэл байна.
Сэтгэгдэл бичих