Дугуйн спортын шилдэг дасгалжуулагч спортын мастер Н.Нармандах агсны нэрэмжит дугуйн аварга шалгаруулах бөөн гарааны уралдаан Төв аймгийн Алтанбулаг суманд ирэх бямба гараг /2020.09.19/-т болно.
Бямба гарагийн өглөөний 11 цагт Алтанбулаг хаалганаас road bike буюу уралдааны дугуйгаар гараагаа эхлүүлэх тус уралдаанд оролцох тамирчдын насны ангилал, уралдах зайг Монголын дугуйн холбоо /МДХ/-ноос танилцуулж байна.
- Элит – Эр 75 км, Эм 50 км
- Өсвөр үе 13-14 нас 25 км, 15-16, 17-18 нас 50 км.
- Мастер 30-49, 50-59, 60+нас 50 км.
- Сонирхогч 19-34, 35+нас 50 км.
- Өсвөр үе-Эм болон Сонирхогч-Эм 19+нас 25 км.
Нийтдээ 11 насны ангилал байх аж. Нэг багаас оролцох тамирчдын тоог хязгаарлахгүй. Мөн хувиараа тамирчин оролцохыг зөвшөөрөх юм байна. Харин МДХ-ноос Лиценз аваагүй тамирчид тэмцээнд оролцохгүй.
Элит ангиллын эрэгтэй-2, эмэгтэй-1, Өсвөр үе эрэгтэй-2, нийт 5 тамирчны нийлбэр дүнгээр багийн дүнг гаргана.
Тус тэмцээнийг МДХ-ны Шүүгчдийн зөвлөл Олон улсын дугуйн холбоо /ОУДХ/-ны дүрмээр шүүн зохион байгуулна хэмээн МДХ-ноос мэдээллээ.
Сэтгэгдэл бичих