FIBA 3×3 сагсан бөмбөгийн гурван цуврал ‘Мастерс’ тэмцээн Унгар улсын Дебрецен хотод болж байгаа ба өчигдөр цувралын хоёр дахь тэмцээн болох ‘Hungary 2020’ эхэллээ.
Нийт 12 баг оролцсон тэмцээний B хэсэгт өрсөлдсөн Монголын ‘MMC Energy’ баг хэсгээсээ хоёрдугаар байраар шалгарч шөвгийн 16-д Америкийн ‘NY Harlem’ багтай тоглохоор болжээ. Монголын баг хэсэгтээ Сербийн ‘Novi Sad’ багт 21:6 харьцаагаар хожигдож, Чехийн ‘Humpolec’ багийг 20:15 харьцаагаар буулган авсан байна.
Шөвгийн 16-гийн тоглолт Улаанбаатарын цагаар 23:15-д эхлэх бөгөөд ‘MMC Energy’ хожвол Сербийн ‘Liman’, Латвийн ‘Riga’ хоёрын хожсонтой тоглох юм. ‘MMC Energy’ багт Монгол улсаа төлөөлж Д.Дэлгэрням, Э.Дөлгөөн, Э.Цэрэнбаатар, Г.Цэнгүүнбаяр нар тоглож буй.
Эх сурвалж: FIBA
