Африкийн Уганда улсын алслагдмал Аруа хотод хөлбөмбөг тоглож байсан 10 хүүхэд аянгад ниргүүлж амиа алдсан байна.
Хэдийгээр цаг агаарын байдал хүнд байсан ч хүүхдүүд тухайн үед хөлбөмбөг тоглож байсан аж. Түүнчлэн 9-14 насны 14 хүүхэд гэмтсэн тул ойролцоох эмнэлэгт хүргэгджээ. Амиа алдсан 10 хүүхдийн дөрөв нь эмнэлэгт хүргэгдсэн ч эмчилгээ авалгүй амьсгал хураажээ.
Уганда улсад аянгад ниргүүлэх тохиолдол цөөнгүй. Одоогоос есөн жилийн өмнө буюу 2011 онд тус улсад аяганд ниргүүлсний улмаас 18 хүүхэд амиа алдаж байсан юм.
