Өнөөдөр 2019.09.25. Энэ оны 268 дахь өдөр. Он дуусахад 97 өдөр үлдээд байна.
Монгол эх оронд маань нар 06 цаг 39 минутад мандлаа.
Улаанбаатар хотод 26 градус, үүлшинэ.
Өнөөдөр Мозамбикт Зэвсэгт хүчний өдөр буюу Хувьсгалын өдөр тохиож байгаа бол Францад Үндэсний баярын өдөр.
Энэ өдөр мэндэлсэн алдартнуудаас дурдвал, Испанийн кино найруулагч Педро Альмодовар, Америкийн жүжигчин Марк Хэмилл, Зөвлөлт, Украины жүжигчин Людмила Ефименко, Италийн дуучин Зуккеро, Америкийн жүжигчин Майкл Мэдсен, Италийн зохиолч Никколо Амманити, Америкийн жүжигчин Уилл Смит, Кэтрин Зета-Жонс, Италийн жүжигчин Майя Санса, Америкийн жүжигчин Клеа Дюваль нар юм.
Энэ өдөр Монгол Улсын түүхэнд болсон онцлох үйл явдлуудаас дурдвал:
1929 оны энэ өдөр Ардын засгийн газрын дэргэд Улсын худалдааны төлөөлөгчийн газар байгуулагджээ.
1949 оны энэ өдөр Шинжааны Гоминданы 30 мянган цэрэг командалсан эрх баригчид Хятадын Ардыг Чөлөөлөх Армид эсэргүүцэлгүй бууж өгч, БНХАУ-ын шинэ засгийн газарт дагаар оров.
Энэ өдөр дэлхий дахинд болсон онцлох үйл явдлуудаас дурдвал:
1906 оны энэ өдөр Испанийн математикч, инженер Леонардо Торрес Кеведо дэлхийн анхны радио төхөөрөмж “Telekino”-г олон нийтэд танилцуулжээ.
1909 оны энэ өдөр Францын Ерөнхийлөгч Арман Фальер Парист олон улсын анхны нисэх онгоцны үзэсгэлэнг нээв. Гурван өдрийн дотор уг үзэсгэлэнд 10 мянган хүн очжээ.
1925 оны энэ өдөр Сергей Есенин Москвад сүүлчийн удаагаа олны өмнө гарав.
1995 оны энэ өдөр Израилийн Ерөнхий сайд Ицхак Рабин болон Палестиныг чөлөөлөх байгууллагын дарга Ясир Арафат нар Вашингтонд Йордан голын баруун эрэг дээр Палестины автономит улс байгуулах гэрээнд гарын үсэг зуржээ.
Өнөөдөр үс засуулбал жаргал үргэлжид ирнэ гэж дорнын зурхайд буужээ. Тахиа жилтнүүд аливаа үйлийг хийхэд эерэг сайн бол могой, морь жилтнүүд аливаа үйлд хянамгай хандаарай. Энэ өдөр эмнэлгийн үйл, лус тахих, мал арилжих, буг дарах, газрын өм бооход сайн. Харин цөөрөм байгуулах, байшингийн суурь тавих, угаал үйлдэхэд муу. Хол газар явах бол баруун зүгт мөрөө гаргаад аян замдаа гараарай. Таны аяны болон амьдралын ганзага үргэлж дүүрэн байг. Өнөөдрийн ажилд тань амжилт хүсье.
Сэтгэгдэл бичих