ХҮҮДЭЭ ЗОДУУЛСАН ЭЦЭГ ГЭМТЛЭЭ ДААЛГҮЙ НАС БАРЖЭЭ

Дархан-Уул аймгийн нэгдсэн эмнэлэгт хүүдээ зодуулсан иргэн эмчлүүлж байгаад нас барсан харамсалтай хэрэг өчигдөр /2019.09.12/ гарчээ. Тодруулбал, тус аймгийн Дархан сумын зургадугаар багийн иргэн, 71 настай эрэгтэй Н-ийг түүний төрсөн хүү болох 35 настай Б гэгч нь зодож гэмтээжээ. Улмаар гэмтсэн иргэн Дархан-Уул аймгийн нэгдсэн эмнэлэгт хүргэгдэж, хоёр хоног эмчлүүлж байгаад гэмтлээ даалгүй амьсгал хураасан байна. Хэргийг аймгийн цагдаагийн газарт эрүүгийн хэрэг үүсгэн шалгаж байгаа бөгөөд шалгалтын явцад сэжигтэн Б нь согтуурсан байсан нь тогтоогджээ.