Улсын Нэгдүгээр төв эмнэлэг “Revo-I” робот мэс заслын системийг нэвтрүүлж, албан ёсоор ашиглалтад орууллаа.
Энэхүү робот нь мэс заслын эмчийн удирдлагаар ажилладаг. Өндөр нарийвчлалтай хөдөлгөөн хийх, эрхтэн ялгах, оёдол тавих, хайчлах, тайрах зэрэг мэс заслын үйлдлийг хийх боломжтой. Урологи, ерөнхий мэс засал, эмэгтэйчүүд, чих хамар хоолойн мэс засал зэрэгт ашигладаг ажээ.
УНТЭ-ийн хувьд робот мэс заслын үйлчилгээг Урологи-Андрологийн төвд буюу түрүү булчирхай, бөөр зэрэг эрхтний мэс засалд түлхүү ашиглах юм. Тус эмнэлгийн эмч, мэргэжилтнүүдийг БНСУ-д сургаж, ХСҮТ-ийн эмч нартай хамтран робот мэс заслын хүний нөөцийг бэлтгэсэн байна.
Ингэснээр УНТЭ нь Монгол Улсад “Revo-I” робот мэс заслын системийг нэвтрүүлсэн хоёр дахь эмнэлэг боллоо. Өмнө нь ХСҮТ-д уг технологийг нэвтрүүлсэн юм.
Эх сурвалж: Улсын Нэгдүгээр Төв Эмнэлэг
Сэтгэгдэл бичих