Монгол Улсын Их Хурлын Эдийн засгийн байнгын хорооны 2026 оны 07 дугаар тогтоолоор Монголбанкны Тэргүүн дэд ерөнхийлөгчид нэр дэвшигчтэй хийх нэр дэвшигчийн сонсголын товыг 2026 оны 06 дугаар сарын 30-ны өдөр зохион байгуулахаар шинэчлэн баталж яг одоо төрийн ордны “Их эзэн Чингис хаан” танхимдд хуралдаж байна.
Монголбанкны Ерөнхийлөгчөөс Төв банк/Монголбанк/-ны тухай хуулийн 26.3-т заасан шаардлагыг хангасан гэж үзэн Монголбанкны Тэргүүн дэд Ерөнхийлөгчөөр Энхболдын Анарыг томилуулах саналыг (дэлгэрэнгүйг эндээс) 2026 оны 06 дугаар сарын 04-ний өдрийн А-1/482 тоот албан бичгээр ирүүлсэн талаар өмнө нь мэдээлсэн. Сонсгол даргалагчаар УИХ-ын гишүүн Болдын Жавхланг томилсон бөгөөд сонсголд оролцох хүсэлтийг иргэд, олон нийтээс нээлттэй хүлээн авч, бүртгэсэн байна.
Монголбанк 2023 оны 12-р сараас хойш тэргүүн дэд ерөнхийлөгчгүй ажиллаж байгаа аж. Учир нь тус банкны тэргүүн дэд ерөнхийлөгч Г.Дөлгөөн 2024 оны УИХ-ын сонгуульд өрсөлдөхөөр өөрийн хүсэлтээр ажлаасаа чөлөөлөгдсөн байна.
Э.Анар Монголбанкинд Төлбөр тооцооны газрын захирал, Зайнаас хяналт тавих хэлтэст хянан шалгагч, нөөцийн мэргэжилтнээр ажиллаж байсан туршлагатай нэгэн ажээ.
Тэрээр Монголбанкны Тэргүүн дэд Ерөнхийлөгчөөр сонгогдсон тохиолдолд хийж, хэрэгжүүлэх арга хэмжээний талаар болон дэлгэрэнгүй танилцуулгатай ЭНД дарж танилцана уу.
Сэтгэгдэл бичих