4-р сарын 18-26-ныг хүртэлх цаг агаарын урьдчилсан мэдээ

2026 оны 4-р сарын 18-26-ныг хүртэлх цаг агаарын урьдчилсан төлөв

4-р сарын 18-нд нутгийн хойд хэсгээр хур тунадас орж, ихэнх нутгаар хүчтэй салхи, шороон шуурга шуурч, өмнөх өдрөөсөө 10-20 хэмээр эрс хүйтрэхийг онцгойлон анхааруулж байна.

Хур тунадас: 4-р сарын 18-нд баруун болон төвийн аймгуудын ихэнх нутаг, говийн аймгуудын нутгийн хойд хэсгээр, 19-нд төвийн аймгуудын нутгийн зүүн хэсэг, зүүн аймгуудын ихэнх нутгаар, 20-нд зүүн аймгуудын нутгийн зарим газраар, 23-нд Хөвсгөл, Хэнтийн уулархаг нутгаар, 24-нд төвийн аймгуудын зүүн хойд хэсэг, зүүн аймгуудын нутгийн хойд хэсгэг хойд хэсгээр, 25-нд Хангайн уулархаг нутгаар, 26-нд Халх голын хөндийгөөр бороо, нойтон цас, цас орж, цасан шуурга шуурна.

Салхи: 4-р сарын 18-нд ихэнх нутгаар, 19-нд нутгийн зүүн хагаст салхи секундэд 24-28 метр, зарим үед секундэд 34 метр хүрч, хүчтэй салхи, шороон шуурга, 20-нд зүүн аймгуудын нутгаар, 24-нд тал, хээрийн нутгаар, 25-нд нутгийн өмнөд хэсгээр секундэд 16-18 метр хүрч ширүүсэж, шороон шуурга шуурна.

Агаарын температур: 4-р сарын 18-нд баруун аймгуудын нутгаар, 19-нд ихэнх нутгаар өмнөх өдрөөсөө 10-20 хэмээр эрс хүйтэрч Дархадын хотгор, Завхан голын эх, Хүрэнбэлчир, Идэр, Тэс голын хөндий, Хөвсгөл, Хэнтийн уулархаг нутгаар шөнөдөө 16-21 хэм, өдөртөө 4-9 хэм, Алтай, Хангайн уулархаг нутаг, Хараа, Ерөө, Туул, Тэрэлж голын хөндийгөөр шөнөдөө 11-16 хэм, өдөртөө 1-6 хэм, Их нууруудын хотгор, говийн бүс нутгийн өмнөд хэсгээр шөнөдөө 2-7 хэм хүйтэн, өдөртөө 3-8 хэм дулаан, бусад нутгаар шөнөдөө 7-12 хэм хүйтэн, өдөртөө 3 хэмийн хүйтнээс 2 хэм дулаан байна.

Дөрөвдүгээр сарын 20-ноос ихэнх нутгаар дулаарч Дархадын хотгор, Завхан голын эх, Хүрэнбэлчир, Идэр, Тэс голын хөндий, Хөвсгөл, Хэнтийн уулархаг нутгаар шөнөдөө 8-13 хэм хүйтэн, өдөртөө 1-6 хэм дулаан, Алтай, Хангайн уулархаг нутаг, Хараа, Ерөө, Туул, Тэрэлж голын хөндийгөөр шөнөдөө 4-9 хэм хүйтэн, өдөртөө 5-10 хэм дулаан, Их нууруудын хотгор, говийн бүс нутгийн өмнөд хэсгээр шөнөдөө 1-6 хэм хүйтэн, өдөртөө 13-18 хэм дулаан, бусад нутгаар шөнөдөө 1-6 хэм хүйтэн, өдөртөө 9-14 хэм дулаан байна.

Улаанбаатар хот орчоор:

Хур тунадас: 18-ны өдөр хур тунадас, 18-19-нд шилжих шөнө бороо, нойтон цас, цас орж, цасан шуурга шуурна.

Салхи: Ихэнх хугацаанд секундэд 5-10 метр, 18-нд баруун өмнөөс хойш эргэж секундэд 15-17 метр хүрч ширүүсэж, хур тунадас орохын өмнө шороон шуурга шуурна.

Агаарын температур: 4-р сарын 18-ны үдээс хойш, 19-ний өдрүүдэд эрс хүйтэрч шөнөдөө 6-11 хэм хүйтэн, өдөртөө 3 хэмийн хүйтнээс 2 хэм дулаан байна. Дөрөвдүгээр сарын 20-ноос дулаарч шөнөдөө 1-6 хэм хүйтэн, өдөртөө 9-14 хэм дулаан байна.