Байгаль орчин, уур амьсгалын өөрчлөлтийн сайд Ц.Сандаг-Очир өнөөдөр (2026.04.04) салбарын удирдлагуудтай уулзаж, бодлого, үйл ажиллагаанд тулгамдаж буй асуудлууд болон ойрын хугацаанд хэрэгжүүлэх зорилтуудын талаар санал солилцлоо.
Уулзалтын үеэр Ц.Сандаг-Очир сайд УИХ-аас санаачилсан төрийн хүнд суртлыг бууруулах “ЧӨЛӨӨЛЬЕ” санаачилгын хүрээнд иргэдийн эрүүл, аюулгүй орчинд амьдрах эрхийг хангах, хариуцлагатай уул уурхайг төлөвшүүлэх, ил тод байдлыг бэхжүүлэх, байгалийн нөөцийг зохистой, байгальд ээлтэй ашиглах бодлогыг тууштай хэрэгжүүлэх шаардлагатайг онцоллоо.
Энэ хүрээнд Байгаль орчны салбарт хэрэгжүүлэх шинэчлэлийн саналуудаа яаралтай боловсруулж, танилцуулахыг холбогдох албан тушаалтнуудад үүрэг болгов.
Сайдын зүгээс “Тэрбум мод” үндэсний хөдөлгөөний хүрээнд тарьсан модны ургалт, арчилгаанд онцгой анхаарч, хэрэгжилтийг эрчимжүүлэх, салбарын бодлого, шийдвэрийн хэрэгжилтэд хяналт, мэдээ мэдээллийн ил тод, шуурхай байдлыг хангах, хариуцлагыг чангатгах чиглэлд анхаарч ажиллах чиглэл өглөө.
Сэтгэгдэл бичих