Ажлын байрандаа архидан согтуурч, зүй бус үйлдэл гаргасан гэх үндэслэлээр Хөдөлмөр, халамж үйлчилгээний ерөнхий газрын албан тушаалтнуудыг үүрэгт ажлаас нь чөлөөлсөн байна.
Тодруулбал, тус газрын Ажиллах хүч, шилжилт хөдөлгөөн зохицуулалтын газрын дарга А.Сэрээтэр, мөн Хөдөлмөрийн бодлогын хэрэгжилтийн газрын даргын албан үүргийг түр орлон гүйцэтгэгч М.Эрдэнэбулган нарыг албан тушаалаас нь чөлөөлжээ.
Хөдөлмөр, халамж үйлчилгээний ерөнхий газрын дарга З.Бауыржан 2026 оны гуравдугаар сарын 19-ний өдөр тушаал гаргаж, дээрх албан тушаалтнуудыг ёс зүйн ноцтой зөрчил гаргасан үндэслэлээр чөлөөлсөн байна.
Мөн уг асуудалтай холбогдуулан цагдаагийн байгууллагаас зөрчлийн хэрэг үүсгэн шалгаж байгаа аж.
Сэтгэгдэл бичих