АНУ-ын Ерөнхийлөгч Дональд Трамп Кубын талаарх байр сууриа улам чангаруулж, “Кубыг ямар нэгэн хэлбэрээр эзлэн авах нь миний хувьд нэр төрийн хэрэг байх болно. Би тэнд хүссэн бүхнээ хийж чадна” хэмээн мэдэгдсэн талаар мэдээлжээ.
Энэхүү мэдэгдлийн дараа The New York Times сонинд бичсэнээр, хоёр талын аливаа хэлэлцээнд баримтлах АНУ-ын гол зорилго нь Кубын Ерөнхийлөгч Мигэль Диаз-Канель-ийг албан тушаалаас нь огцруулах явдал байж болзошгүй аж.
Харин Кубын эрх баригчид тус улсын дотоод хэрэгт гаднын оролцоо хийхийг эрс эсэргүүцдэг бөгөөд ийм төрлийн шаардлагыг аливаа тохиролцоонд хүрэхэд саад учруулж буй гол хүчин зүйл гэж үзэж байна.
Өмнө нь Дональд Трамп Венесуэлийн Ерөнхийлөгч Николас Мадуро-гийн дэглэмийг түлхэн унагаж, мөн Иран руу цэргийн ажиллагаа явуулсны дараа Куба улс “дараагийн бай” болж магадгүй талаар мэдэгдэж байсан юм.
Сэтгэгдэл бичих