Улсын Их Хурлын хаврын ээлжит чуулган жил бүрийн гуравдугаар сарын 15-нд нээлтээ хийдэг. Харин энэ жил гуравдугаар сарын 15 ням гарагт таарч буй тул чуулганыг гуравдугаар сарын 16-ны даваа гарагт нээхээр товложээ.
Энэ удаагийн хаврын чуулганаар 30 гаруй хууль, тогтоолын төслийг хэлэлцэхээр төлөвлөсөн байна.
Тухайлбал:
-
Монгол Улсын 2027 оны төсвийн хүрээний мэдэгдэл, 2028–2029 оны төсвийн төсөөлөл;
-
Монгол Улсын хөгжлийн 2027 оны төлөвлөгөө батлах тухай тогтоол;
-
2025 оны улсын төсвийн гүйцэтгэл батлах тухай;
-
Эрүүгийн хуульд нэмэлт, өөрчлөлт оруулах;
-
Нийгмийн даатгалын ерөнхий хуульд нэмэлт, өөрчлөлт оруулах;
-
Нэмэгдсэн өртгийн албан татварын тухай хуульд өөрчлөлт оруулах;
-
Онцгой албан татварын тухай хуульд нэмэлт, өөрчлөлт оруулах;
-
Улс төрийн намын тухай хуульд өөрчлөлт оруулах;
-
Боловсролын ерөнхий хуульд нэмэлт, өөрчлөлт оруулах;
-
Үндэсний их баяр наадмын тухай хуульд нэмэлт, өөрчлөлт оруулах зэрэг олон асуудлыг хэлэлцэхээр төлөвлөжээ.
Мөн татвар, нийгмийн хамгаалал, төрийн байгуулалтын чиглэлээрх хэд хэдэн хуулийн төсөл болон олон улсын хэлэлцээр соёрхон батлах асуудлыг ч хэлэлцэх юм.
Сэтгэгдэл бичих