Монгол Улсад аутизмтай хүүхэд, насанд хүрэгчдийн эрх, хэрэгцээг тусгайлан зохицуулсан бие даасан хууль эрх зүйн орчин байдаггүй. Үүний улмаас аутизмын хүрээний эмгэгтэй иргэд боловсрол, эрүүл мэнд, нийгмийн хамгаалал, ажил эрхлэлт зэрэг олон салбарт шаардлагатай дэмжлэгээ бүрэн авч чаддаггүй. Тиймээс иргэн Ц.Мөнх-Эрдэнэ Аутизмтай иргэдийн тухай тусгай хуулийн төсөл санаачлан боловсруулах санал гаргаж, олон нийтийн дэмжлэг авахын тулд гарын үсэг цуглуулж эхэлжээ
Санал авах ажиллагаа 2026 оны хоёрдугаар сарын 21-нээс гуравдугаар сарын 23-ныг хүртэл үргэлжлэх юм байна. Хэрэв шаардлагатай гарын үсэг цугларвал Аутизмтай иргэдийн тухай тусгай хуулийн төслийг хууль тогтоох байгууллагын түвшинд авч хэлэлцэх боломжийг бүрдүүлэх юм. Одоогийн байдлаар тус өргөдөлд 7000 орчим иргэн гарын үсгээ зуржээ.
Сэтгэгдэл бичих