Солонгост сурч буй хүүхдийн эцэг, эхийн оршин суух хугацааг хүүхэд нь 24 нас хүртэл нь сунгана

​БНСУ-ын Хууль зүйн яам сургуульд суралцаж буй гадаад иргэдийн хүүхдийн эцэг эхийн оршин суух хугацааг сунгахаа мэдэгдлээ.

​- Гадаад иргэдийн хүүхдүүдийн бие даан суурьших таатай орчныг бүрдүүлэх нь:

​БНСУ-ын Хууль зүйн яам: Солонгос улсад төрж өссөн болон дунд шатнаас нь орж ирж суралцаж буй гадаад иргэдийн хүүхдүүд дотоодын ерөнхий боловсролын сургуульд (бага, дунд, ахлах) суралцан, хууль ёсоор оршин суух эрх авсан тохиолдолд тэдний эцэг, эх болон асран хамгаалагчдын оршин суух хугацааг тухайн хүүхдийг 24 нас хүртэл нь сунгахаар шийдвэрлэв. ​Өмнөх журмын дагуу эцэг, эхчүүд хүүхдээ ахлах сургуулиа төгсөх хүртэл буюу насанд хүрснээс  хойш (19 нас) ердөө нэг жилийн хугацаанд л хамт оршин суух боломжтой байсан. Гэвч хүүхэд их, дээд сургуульд суралцах, мэргэжлийн ур чадвар эзэмших зэргээр бие даан амьдрахад бэлтгэж буй хугацаанд эцэг эхийн халамж, дэмжлэг зайлшгүй шаардлагатай байгаа тул оршин суух хугацааг сунгах хүсэлт олноор ирүүлсэн гэлээ.

​Хууль зүйн яам хүүхдийн сурах эрхийг баталгаажуулахаас гадна насанд хүрснийхээ дараа ч нийгэмд тогтвортой суурьших, суралцах нөхцөлийг бүрдүүлэх нь тухайн хүүхдийн эрх ашигт нийцнэ гэж үзсэн байна. Иймд:

​Хүүхдийн залуу үеийн насны ангилал болох 24 нас хүртэл эцэг, эхийнх нь оршин суух хугацааг сунгах ба 2026 оны хоёрдугаар сарын 26-ны өдрөөс эхлэн мөрдөх юм байна.

​3. Хууль зүйн сайд Жон Сон-ху хэлэхдээ: “Солонгос улсад удаан хугацаагаар оршин сууж, ахлах сургууль төгссөн гадаад хүүхдүүд нь хэл болон соёлын хувьд манай орны иргэдтэй ижил түвшний ижилсэлтэй болсон манай нийгмийн гишүүд юм. Эдгээр залуусыг насанд хүрснийхээ дараа ч Солонгосын нийгэмд сайн дасан зохицож, улс орны хөгжилд хувь нэмэр оруулах нөхцөлийг бүрдүүлэхийн тулд холбогдох тогтолцоог үргэлжлүүлэн сайжруулах болно” хэмээн онцолжээ.