Украин болон Оросын төлөөлөгчид АНУ-ын зуучлалаар зохион байгуулагдаж буй энхийн яриа хэлэлцээний эхний өдрийг Арабын Нэгдсэн Эмират Улсын нийслэл Абу Даби хотод хийж, уулзалт “үр дүнтэй” болсон талаар талууд мэдэгдсэнийг The Guardian агентлаг дамжууллаа.
Хэлэлцээний эхний шатанд гал зогсоох боломж, хоригдол солилцох асуудал, хүмүүнлэгийн коридор нээх зэрэг практик сэдвүүдийг хэлэлцсэн байна. Албаныхны мэдээлснээр талууд тодорхой асуудлуудад ойртсон ч газар нутгийн маргаан, аюулгүй байдлын баталгаа зэрэг томоохон зөрүүтэй асуудлууд хэвээр үлджээ.
АНУ-ын тал уг уулзалтыг “дипломат яриа хэлэлцээг сэргээх чухал алхам” хэмээн үнэлсэн бол ажиглагчид бодит ахиц гарах эсэх нь дараагийн өдрүүдийн хэлэлцээнээс ихээхэн шалтгаална гэж үзэж байна. Хоёр талын төлөөлөгчид хэлэлцээг ойрын өдрүүдэд үргэлжлүүлэхээр тохиролцсон талаар эх сурвалжууд мэдээлжээ.
Орос-Украины дайн гурав дахь жилдээ үргэлжилж буй энэ үед олон улсын хамтын нийгэмлэг дипломат гарцыг эрэлхийлсээр байгаа бөгөөд Абу Дабид эхэлсэн энэхүү уулзалт нь сүүлийн саруудад өрнөж буй хамгийн өндөр түвшний шууд яриа хэлэлцээний нэгт тооцогдож байна.
Сэтгэгдэл бичих