Монголын холимог тулааны домог Ж.Нарантунгалаг “ONE Championship” холбооны хагас хөнгөн жингийн аваргын бүсээ эргүүлэн авахад тун ойртоод байна. Тунгаа 4-р сарын 12-нд Филлипин улсын Манила хотод болох “One Championship – Roots of Honor“ тэмцээнд аваргын бүсний төлөө тулаан хийнэ. Түүний өрсөлдөгч нь энэхүү бүсийг эзэмшигч вьетнам гаралтай Австралийн тулаанч Мartin Nguyen.
Мартин бол манай тулаанчийн Оросын Гафуровт алдсан бүсийг 2017 онд Гафуровыг хоёрдугаар үед хүнд цохилтоор ялж, булаан авсан тулаанч билээ.
Ж.Нарантунгалаг өнгөрсөн оны 6-р сарын 23-нд Макаод “ONE Championship: PINNACLE OF POWER” тэмцээнд Филиппиний тулаанч Эдвард Келлиг хоёрдугаар үед хүнд цохилтоор ялаад ердөө 20 хоногийн дараа Японы Казүки Токүдомэтэй тулалдан ялж, аваргын бүсний төлөө тулалдах эрхээ авсан. 2017 онд Гафуровоос даагаа нэхэх тулаанд ялагдсанаас хойш аваргын бүсийн төлөөх анхны тулаан нь.
“One Championship – Roots of Honor“ тэмцээнд аваргын бүсийн төлөө 2 тулаан болно. Нэг нь манай тамирчны тулаан бол нөгөөх нь Японы Сарүта Филиппины JOSHUA PACIO-той хариу тоглолт хийх юм. Сарүта нэгдүгээр сард PACIO-г ялсан ч холбооноос дахин тулалдах үүрэг өгсөн.
Мartin Nguyen жин ахин тулалдаж яваад үндсэн жиндээ эргэн ирж байгаа. Дээд жингийн аваргын бүсээ ч хамгаалалгүй, эргүүлэн өгсөн байна. 77 кг-ийн жинд 2 ч ялагдаж, сүүлийн үед ялалт, ялагдал ээлжилж байгаа түүний хувьд “гэртээ эргэн ирж” байгаа хэрэг болж байна.
Түүний сүүлчийн тулаан Martin Nguyen vs. Kevin Belingon
“ONE Championship” холбооны хагас хөнгөн жингийн үе үеийн аваргууд
- Хонорио Банарио Филиппин (2013. 02. 02- 2013.05.31)
- Коожи Ойши Япон (2013.05.31-2014.08.29)
- Ж.Нарантунгалаг Монгол (2014.08.29-2015.11.21)
- Марат Гафуров ОХУ (2015.09.27-2017.08.18)
- Мартин Нгуен Австрали (2017.08.18-наас одоо хүртэл)
Сэтгэгдэл бичих