Ерөнхий боловсролын математикийн сургалтын хөтөлбөрийн хэрэгжилт, чанарыг сайжруулах олон улсын цахим систем нэвтрүүлэх ажлыг үе шаттай хэрэгжүүлэх хүрээнд аймаг, нийслэлийн Боловсролын газар, дүүргийн Боловсролын хэлтсийн математикийн боловсрол хариуцсан 31 мэргэжилтэн, 175 математикийн багш, 150 сургалтын менежерийг хамруулсан сургалтыг 2025 оны 08 дугаар сарын 25, 26-ны өдрүүдэд танхимын хэлбэрээр зохион байгууллаа.
Сургалтын нээлтэд Боловсролын яамны Цахим боловсролын газрын дарга Т.Бат-Эрдэнэ, Ерөнхий боловсролын газрын ахлах шинжээч Д.Даваасүрэн, “Эдүтэн” платформын гүйцэтгэх захирал Хэнри Мүүримаа, Боловсролын ерөнхий газар болон Боловсролын үнэлгээний төвийн удирдлагууд оролцлоо.
Сургалтаар:
Эдүтэн монголд – Бид ямар амжилтад хүрсэн бэ?
Эдүтэний шинэчлэл-Асуудал шийдэл
Платформын үндсэн сургалт
Эдүтэн хичээлийн заах арга зүйн үндэс, багшийн практик туршлага
Цахим системийг хэрэгжүүлэх технологийн орчин, сургуулийн түвшинд нэвтрүүлэх төлөвлөгөө, зураглалыг танилцуулах чиглэлээр Эдүтэний Сургалт арга зүйн газрын дарга Эйнари Курвинэн, контент хөгжүүлэгч Вели-Матти Катила, Боловсролын ерөнхий газрын арга зүйч, мэргэжилтэн Ш.Энх-Амгалан, Э.Оюунбилэг нар удирдан зохион байгуулж, Сэлэнгэ аймгийн Боловсролын газрын мэргэжилтэн П.Мягмарсүрэн, Чингэлтэй дүүргийн нийслэлийн ерөнхий боловсролын 24 дүгээр сургуулийн сургалтын менежер Б.Нарангарав нар платформын орон нутаг, сургуулийн сайн туршлагыг танилцуулж хамтран ажиллалаа.
Сургалтын үр дүнд математикийн боловсрол хариуцсан мэргэжилтнүүд https://login.eduten.com/ платформд хариуцсан аймаг, нийслэл, дүүргийн сургууль, сургуулийн админы эрхийг үүсгэж, математикийн 2000 гаруй багш нар оролцсон сургалтыг зохион байгуулж, цахим системийг шинэ хичээлийн жилд хэрэгжүүлэх боломжтой боллоо.
Сэтгэгдэл бичих