Сүүлийн үеийн шинжлэх ухааны судалгаагаар хүчилтөрөгч зөөх үүрэгтэй гэж олон жилийн турш ойлгогдож ирсэн hemoglobin уураг тархины эсүүдэд чухал хамгаалах үүрэгтэй болохыг тогтоолоо.
АНУ болон БНСУ-ын судлаачдын хамтарсан судалгаанд, hemoglobin тархины дэмжих эсүүдэд байрлаж, хүчилтөрөгчийн хорт нэгдэл болох устөрөгчийн хэт исэл (H₂O₂)-ийг задалж устгах антиоксидантын үүрэг гүйцэтгэдэг нь илэрсэн байна. Энэ үйлдэл нь тархины хөгшрөлт, эсийн гэмтэл, улмаар Альцгеймер, Паркинсон, ALS зэрэг мэдрэлийн доройтолт өвчний явцыг удаашруулахад онцгой ач холбогдолтой гэж үзэж байна.
Судалгааны баг KDS12025 нэртэй шинэ жижиг молекулыг туршиж үзэхэд, уг бодис нь hemoglobin-ийн хамгаалах үйл ажиллагааг 100 дахин нэмэгдүүлсэн үр дүн гарчээ. Туршилтаар амьтдын ой санамж, хөдөлгөөний үйл ажиллагаа мэдэгдэхүйц сайжирсан байна.
Шинэ нээлт нь тархины хөгшрөлттэй холбоотой өвчнийг эмчлэх цоо шинэ гарцыг нээж өгч байгаа бөгөөд ойрын жилүүдэд эмнэлзүйн туршилт эхлэхээр төлөвлөж байна.
Эх сурвалж : EuroAlert бэлтгэсэн: Саранцэцэг
Сэтгэгдэл бичих