АНУ-ын Нью-Йорк мужийн давж заалдах шатны шүүхээс ерөнхийлөгч асан Дональд Трампын эсрэг ногдуулсан 500 сая ам.долларын (372 сая фунт стерлинг) торгуулийг хүчингүй болгосон талаар BBC News мэдээллээ.
Энэхүү шийдвэр нь өнгөрсөн жил Нью-Йоркын иргэний хэрэг шүүхэд гарсан, Трамп үл хөдлөх хөрөнгийн үнэлгээг хуурамчаар өсгөж, банкнаас давуу нөхцөлтэй зээл авсан гэх хэрэгтэй холбоотой.
Анхан шатны шүүхийн шүүгч Артур Энгорон Трампыг 355 сая ам.доллар төлөхийг шийдвэрлэсэн ч хүүгийн тооцоотой нийлээд энэ дүн 500 саяд хүрээд байв.
Харин давж заалдах шатны шүүхийн шүүгч Питер Мултон:
“Хохирол гарсан нь үнэн боловч, бараг хагас тэрбум ам.долларын торгууль ногдуулах хэмжээнд хүрээгүй” гэж дүгнэжээ.
Гэхдээ шүүхийн шийдвэр Трампыг буруутай гэж үзсэн нь хэвээр үлдсэн бөгөөд Нью-Йорк мужийн Ерөнхий прокурор Летициа Жеймсын алба энэ шийдвэрийг мужийн дээд шүүхэд дахин давж заалдахаа мэдэгдсэн байна.
Давж заалдах шатны шүүх мөн Трампыг 3 жилийн хугацаанд Нью-Йорк мужид компанийн захирлаар ажиллах болон банкнаас зээл авах эрхийг хассан шийдвэрийг хэвээр үлдээжээ.
Трамп уг шийдвэрийг “бизнесийн хувьд ялалт” хэмээн өөрийн Truth Social сүлжээнд нийтэлсэн бол түүний хүү Эрик Трамп: “5 жилийн там дууслаа, шударга ёс яллаа” гэж мэдэгдсэн байна.
Эх сурвалж: ВВС, Reuters
Сэтгэгдэл бичих