Улайсгасан төмрөөр хүүхдүүдээ айлгаж зандарсан этгээдийг цагдаагийн байгууллага баривчилсан байна.
Тодруулбал, нийгмийн сүлжээнд бага насны хүүхдүүдээ улайсгасан төмрөөр заналхийлж, сүрдүүлэн зандарч буй нэгэн иргэний бичлэг цацагдсаны дараа олон нийтийн шүүмжлэл өрнөж байна. Тэгвэл уг хэрэгт холбогдсон этгээдийг цагдаагийн байгууллагаас шуурхай шалгаж, баривчлан саатуулжээ.
Цагдаагийн байгууллагын мэдээлснээр, тухайн этгээд нь 30 настай, өөрийгөө үзмэрч, лам хэмээн танилцуулдаг байсан бөгөөд өмнө нь шашны зан үйл хийлгэхээр очсон эмэгтэйг хүчиндэхийг завдсан хэрэгт ял шийтгүүлж байсан аж.
Тус этгээд хорих ялаа эдэлж дуусаад суллагдахын өмнө эхнэр нь гэр бүлээ орхин явсан тул дөрвөн бага насны хүүхдээ ганцаараа өсгөж байсан бөгөөд сэтгэцийн эрүүл мэндийн үндэсний төвийн хяналтад байдаг болохыг холбогдох эх сурвалжууд мэдээллээ.
Сэтгэгдэл бичих