Монголчууд бидэнд үнийн өсөлт хэвийн үзэгдэл болжээ. Өдөр бүр тоон үзүүлэлтүүд нэмэгдсээр. Үнийн өсөлтийг барих тал дээр засгийн газар ямар ажил хийж суугаа бол? Улс төр, элдэв хов живээс илүү бидний анхаарах ёстой зүйл үнийн өсөлт, валютын ханш илүү чухал баймаар. Ихэнх бүтээгдэхүүн, бүтээгдэхүүн үйлдвэрлэдэг түүхийн эдээ гаднаас авдаг манайх шиг улсад үнийн өсөлт гэдэг зүйл цочирдмоор зүйл баймаар. Угтаа валютын ханш өсөх биш төгрөгийн ханш унаж байгаа үзэгдэл юм.
2025 оны эхний хагас жилийн байдлаар хэрэглээний үнэ 8,2 хувиаар өсчээ. Жишээ нь үйлчилгээний үнэ 16.9 хувь, хүнсний үнэ 5.5 хувь,барааны үнэ 5.4 хувиар өссөн үзүүлэлттэй гарчээ.
Энэ дундаас цалин өссөн гэх тоо судалгаа гардаг ч ихэнх нь иргэд санал нийлдэггүй. 2025 оны 6 дугаар сарын 17-ны байдлаар сарын дундаж цалин 2,6 сая боллоо гэж зарлагдсан. Бодит байдал нөхцөл дээр хэн хичнээн төгрөгийн цалин, хэдэн хүн бага цалин авч байгаа судалгаа одоогоор байхгүй. Байсан ч ил гаргахгүй биз.Үүнээс НДШ 12,5 хувь, ХАОАТТ-10 хувь, ЭМД-д 2 хувийг төлнө. Таны цалингийн 4/1 татвартаа явчихлаа. Хэрэглээний үнэ өндөр энэ нөхцөлд нийтээрээ банкны болон банк бус санхүүгийн байгууллагын зээл рүү орохоос өөр сонголт байдаггүй. ББСБ-уудын утасны апп-р өгдөг зээл нь сарын 4 хувийн хүүтэй. Зээлнээс зээл, хүүнээс хүүний хооронд явж, урд хормойгоороо хойд хормой нөхөж хэр удаан аргацаах бол?
Эрх баригчид үнийн өсөлтийн талаар, валютын өсөлтийн талаар ямар нэг юм бодож байдаг л байгаа даа….
Сэтгэгдэл бичих