Хөдөлмөр, нийгмийн хамгааллын яамнаас мэдээлснээр, 2025 оны 7 дугаар сарын нийгмийн халамжийн мөнгөн тэтгэмжүүдийг Үндэсний их баяр наадмаас өмнө олгохоор болсон байна.
Тодруулбал, дараах тэтгэмжүүдийг 7-р сарын 7-ны дотор багтаан олгохоор төлөвлөж байна:
- Нийгмийн халамжийн тэтгэвэр
- Асаргааны тэтгэмж
- Амьжиргааг дэмжих мөнгөн тэтгэмж
- Ахмад настан, хөгжлийн бэрхшээлтэй иргэнд олгох дэмжлэг, хөнгөлөлт
- Алдар цолтон, ахмад настанд олгох хөнгөлөлт, тусламж
- Олон нийтийн оролцоонд түшиглэсэн халамжийн үйлчилгээ
- Хүүхдийн мөнгөн тэтгэмж
- Онцгой тохиолдлын мөнгөн тэтгэмж
- Хүнс тэжээлийн дэмжлэг үзүүлэх үйлчилгээний мөнгө
- Насны хишиг
- Эхийн алдар одонгийн мөнгөн тусламжийг тус тус олгох юм байна. Харин эцэг эх, олон хүүхэдтэй өрх толгойлсон эх, эцэгт олгох тэтгэмжийг долдугаар сарын 21-нд олгохоор болжээ.
Сэтгэгдэл бичих