Хууль зүйн сайд асан Д.Дорлигжав ШШГЕГ-ын харьяа урьдчилан хорих 461-р ангид анхан шатны шүүхийн шийдвэрийн дагуу нэг сар цагдан хоригдож байгаа юм.
Тэрбээр энэхүү шийдвэрийг хүлээн зөвшөөрөхгүй байгаагаа илэрхийлэн гурван өмгөөлөгчөөрөө дамжуулан Хан-Уул дүүргийн эрүүгийн хэргийн анхан шатны шүүхийн Ерөнхий шүүгчид хүсэлт гаргажээ.
Түүний гаргасан хүсэлтийн дагуу өнөөдөр /2019.01.11/ шүүх хурал болно гэдгийг хэвлэлүүд мэдээлж байна. Энэ асуудлаар “Хан-Уул дүүргийн эрүүгийн хэргийн анхан шатны шүүхээс тодруулахад “Одоогоор Хан-Уул дүүргийн эрүүгийн хэргийн анхан шатны шүүхийн Ерөнхий шүүгчид гаргасан гомдол нь ирээгүй” гэв.
Түүнийг “Aлтан дорнод Mонгол” компанийн захирал T.Ганболдоос есөн сая ам.долларыг өгсөн гэх мэдээллийн мөрөөр АТГ-аас шалгаж эхэлсэн.
Сэтгэгдэл бичих