Сайхан сэтгэлтэй амьдралд хайртай бусдад хайртай тийм л сахиусан тэнгэрүүд миний ч төлөө бас залбираад л явж байдаг юм би мэддэг ээ. Одоо болох байх Бүх хүмүүстээ хайртай шүү хэмээн сүүлчийн бичвэрээ үлдээжээ.
Нурууны мэдрэлийн хүнд өвчинд олон жил шаналж байсан Б.Мөнхбаяр өнөөдөр нас баржээ. Түүний хань Уранзаяа нь цахим хуудастаа “Чи минь хайрын дээд, ухааны ундарга, хүч чадлын гайхамшиг миний бүхэл ертөнц байсан юм шүү. Одоо чи минь өвчин шаналалгүй тайван нойрс доо” хэмээн бичсэн байна.
Цахим орчинд гайхалтай сайхан хайрын түүх болон өөрсдийн амьдралаараа олны анхаарлыг татаад буй хосууд бол Мөнхбаяр, Уранзаяа нар байв.
Хүнд өвчний эсрэг хамтдаа тэмцэж буй тэдэнд олон нийт хандив өргөн эмчилгээнийх нь зардалд тус болж байсан ба Төрөхийн өвдөлтөөс 4-5 дахин их өвдөлтийг өдөрт олон удаа мэдэрдэг тэрээр нугасны үрэвсэлт хатингаршил хэмээх өвчний эсрэг тэмцэж байсан нэгэн.
Хамтдаа 14 жилийг ардаа үдсэн тэр Өдөр бүр эхнэртээ шинээр дурладаг тухайгаа хуваалцсан тэрээр “Би хэсэг хэсэг юманд нь дурладаг, өмнөх өдөр нь харж байгаагүй өнцгөөс нь хараад ямар хөөрхөн юм бэ гээд л дотроо бодоод, гэхдээ ил хэлэхгүй л дээ.
Яалт ч үгүй дотроос гижигдээд хайр хүрээд ирэхээр чинь эрэгтэй хүн би энэ эмэгтэйн нүднээс нь нулимс унагах уу? нүүрэнд нь инээмсэглэл тодруулах уу? гэдэг тодорхой хэмжээгээр миний үйлдэл, зан чанараас хамаарч байгаа болохоор би энэ эмэгтэйн төлөө юу хийж чадах вэ? миний хайрыг хүргээд байгаа энэ эмэгтэйн төлөө би сармагчин болсон ч хамаагүй гэж боддог.
Би хүнд ямар харагдсан ч хамаагүй үнэхээр уурыг нь гаргаж чадаж байвал би тийм байж чадна л гэж боддог” хэмээсэн бол түүний гэргий Уранзаяа “Миний хувьд энэ бүх зүйл, энэ олон зовлон бэрхшээл тохиолдсон ч гэсэн яг ингээд анх ямар хайртай байсан яг тэр чигээрээ ингээд үргэлж хажууд чинь байх болно.
Хамгийн гол нь чи өөрөө яаж ч зовж шаналж байсан өвчтэй гэж өөрийгөө бодохгүйгээр намайг яг хамт байна гэдгийг ойлгож авах хэрэгтэй. Үргэлж хамт байна гэж амалж байна” хэмээж байжээ.
Талийгаачийн гэр бүл, төрөл төрөгсдөд нь гүн эмгэнэл илэрхийлье.
Сэтгэгдэл бичих