Хэд хоног шатахууны хомстолд орж, жолооч нар хэдэн цаг оочерлож байж сая нэг 30 мянган төгрөгт бензин авч байна.
Өчигдөр “Петровис”-ийн эзэн УИХ-ын гишүүн асан О.Содбилэг ОХУ-д шатахууны асуудлыг шийдвэрлээд явж байна гэх утгатай мэдээг цахим орчноо сэвж, “БААТАР”-ын дүрд тоглосон. Гэтэл өнөөдөр шатахуун нийлүүлэгдэж байгаа гэх сургаар ПЕТРОВИС АИ-92 авто бензины үнийг 150 төгрөгөөр нэмж 2200 төгрөг, АИ-95 2650 төгрөгт хүрсэн мэдээлэл цахим орчноо хөвөрч байна.
Гэтэл уг нэмэгдлийг ПЕТРОВИС компани техникийн алдаа гарч, үнийн самбарт өөрчлөлт гарсан гэж тайлбарлаж асуудлаас “БУЛТАЖ” орхилоо. Энэ үнээр хичнээн хүнд үйлчилсэн ч байж болох. Яагаад гэнэт үнэ нэмэгдэж ТЕХНИКИЙН АЛДАА гарав гэдэг нь хачирхалтай. Угаас үнээ нэмэх гэж байгаад ийнхүү барьц алдав уу? гэх хардал төрж байна.
Шатахуун импортлогчид үгсэн хуйвалдаж байгаад хомстол үүсгэж, үнэ нэмдэг БАШИР аргатай улс. Энэ хомстолыг далимдуулж үнэ нэмэхээр тэд зэхэж байгаа нь ойлгомжтой.
Шатахуун нь ирж амжаагүй байхад ПЕТРОВИС ингэж увайгүй хандаж болно гэж үү!!! Хэрвээ энэ үед үнэ нэмсэн тохиолдолд ПЕТРОВИСИЙН тусгай зөвшөөрлийг цуцлах хүртэл арга хэмжээ авах аж.
Сэтгэгдэл бичих