“Их цэвэрлэгээ-90 минут” хаврын бүх нийтийн их цэвэрлэгээ зохион байгууллаа
Улаанбаатар хотын Ерөнхий менежерийн 2021 оны А/01 тушаалаар “Их цэвэрлэгээ 90 минут” арга хэмжээний удирдамжийн дагуу бүх нийтийн их цэвэрлэгээг 04 дүгээр сарын 24-ний өдөр дүүргийн нутаг дэвсгэрийн хэмжээнд зохион байгууллаа.
Их цэвэрлэгээнд ажилд 648 аж ахуйн нэгж, байгууллагын 1944 ажилтан албан хаагчид оролцож, 17600 м/кв талбайн хог хаягдлыг цэвэрлэн гаднах хайс хамгаалалт, хаалга цонх, хогийн сав, хаяг, хаягийн байгууламж зэргийг угааж өнгө үзэмжийг сайжруулах ажлыг хийж гүйцэтгэлээ.
Нийтийн эзэмшлийн зам талбайд 96 үйлчлэгч 783 уртааш метр замын хайс хашлага, 357 авто замын тэмдэг тэмдэглэгээ, 134 автобусны буудал, 48 ширхэг хогны сав, 87 ширхэг сандлыг угааж өнгө үзэмжийг сайжруулан 124000 м2 зам талбайг цэвэрлэсэн.
Шуурхай иргэдийн бүлгийн 33 ажилтан Өнөр хорооллын арын үерийн далан сувгийн 4600 мкв талбай, 2, 20 дугаар хорооны зааг далан сувгийн 1200 мкв талбай, 41 дүгээр хорооны 3100 мкв нийт 8900 мкв талбайг цэвэрлүүлж 22.4 тн хог хагдлыг зөөж тээвэрлэсэн.
Хог тээвэрлэлтийн ажлыг 43 хороодод 47 хог тээврийн автомашин 141 рейсээр 761,4 тн хог хаягдлыг ачиж тээвэрлэн Нарангийн төвлөрсөн хогийн цэгт хүргэж ажиллалаа.
Сэтгэгдэл бичих