Нийслэлд коронавирусийн халдвар авсан сүүлийн гурван тохиолдол хүндэрсэн үедээ эмнэлэгт ирсэн, олон эмнэлгээр явсан, нэг эмнэлэгт очоод олон кабинетаар үйлчлүүлсэн иргэд ирсэн талаар ХӨСҮТ-ийн Тандалт судалгааны албаны дарга А.Амбасэлмаа мэдээллээ.
Коронавирусийн халдвар авсан тохиолдолд ханиадны шинж тэмдгүүд илэрч байгаа учраас толгой өвдөх, хуурай ханиалгах, цээжээр өвдөх, халуурах, амт үнэр мэдрэхгүй болох зэрэг шинж тэмдэг илэрвэл маш яаралтай өөрийнхөө харьяа өрхийн эрүүл мэндийн төвд утсаар мэдэгдэх аль болох олон хүнтэй уулзаж хавьтал болохгүй байх тал дээр ард иргэд анхаарах хэрэгтэй байна. Мөн өвчилсөн үедээ олон эмнэлгээр явах зэрэг асуудлыг зогсоох хэрэгтэй байгааг санууллаа.
Эмнэл зүйн шинж тэмдэг илэрсэн үедээ иргэд халдвар тараах нь их байгаа аж. Иймд шинж тэмдэг илэрвэл өөрийгөө тусгаарлах, эмнэлгийн байгууллагыг дуудаж үйлчлүүлэхийг онцгой анхаарууллаа. Ханиад гэж бодон өвчнөө хүндрүүлэх асуудал их байгаа учраас сүүлийн 3-4 тохиолдол маш хүнд ирсэн талаар ХӨСҮТ-өөс мэдээллээ.
Сэтгэгдэл бичих