Ерөнхийлөгч Дональд Трамп сонгуульд ялагдсанаа хүлээн зөвшөөрөхөөс татгалзаж Пеннсилванийн тооллогын дүнг баталгаажуулахыг эсэргүүцсэн зарга үүсгэлээ.
Түүний кампанит ажлын багийнхан шуудангаар ирсэн саналын хүчинтэй эсэхэд хяналт тавихаас нааш тооллогын дүнг хүлээн зөвшөөрөхгүйгээ мэдэгджээ. Харин энэ хугацаанд Ерөнхийлөгчөөр сонгогдогч Жо Байден шинээр байгуулсан COVID-19-ийн эсрэг зөвлөлийн тайлантай танилцсан байна.
Харин Дональд Трамп ‘Миний бий болгосон Төр, хувийн хэвшлийн хамтын ажиллагааны ачаар Pfizer-ийн вакцины туршилт амжилттай’ боллоо Twitter-т гэж жиргэжээ. Мөн өөртэй нь оны эхнээс хойш санал зөрөлдөх болсон Батлан хамгаалахын сайд Марк Эсперийг халж байгаагаа мөн жиргэсэн байна. Энэ нь өөрийг нь бүрэн дэмжээгүй Сайд нарыг толгой дараалан халж, удирдлагын хоосон орон зай үүсгэх аюултай гэж Bloomberg-ийн улстөрийн редактор онцолжээ.
Сэтгэгдэл бичих