Японы Ерөнхий сайд Абэ Шинзо огцрох шийдвэрээ эрх баригч эвсэлд мэдэгдлээ гэж “Киодо” агентлаг мэдээлэв. Тэрээр Японы Ерөнхий сайд сүүлийн хоёр долоо хоногт хоёр ч удаа эмнэлэгт үзүүлснээр түүний эрүүл мэндийн асуудал олны анхаарлын төвд орсон юм.
Энэхүү мэдээг сонсмогцоо Монгол Улсын Ерөнхийлөгч асан Ц.Элбэгдорж өөрийн твиттер хуудаснаа ‘Япон улсын Ерөнхий сайд Абэ Шинзо ажлаасаа чөлөө хүсжээ. Абэ манай улсад 3 удаа ирсэн цор ганц Япон улсын Засгийн Тэргүүн. Хоёр улсын харилцааны онцгой, стратегийн шинж чанарыг гүнзгий мэдэрдэг удирдагч. Гайхалтай хүн, дотно найздаа эрүүл энх, сайн сайхныг чин сэтгэлээсээ хүсье’ хэмээн хүндэтгэл үзүүллээ.
Абэ Шинзогийн хувьд 2019 оны 11 дүгээр сард Японы түүхэнд ерөнхий сайдын албыг хамгийн удаан хашсан хүнээр тодорч байсан бөгөөд мөн ‘хамгийн удаан хугацаанд тасралтгүй хашсан хүн’ гэж тооцогдож байжээ. Тэрбээр залгамжлагчийг нь тодруулах сонгууль хүртэл Засгийн газрын тэргүүний үүргийг гүйцэтгэнэ гэв.
