Хоёр настай хүүхдүүд цэцэрлэгт явбал ковид тараана, харин хүүхэд харах үйлчилгээнд хамрагдвал ковид тараахгүй гэх гаргалгааг эрхэм гишүүд бодож олцгоожээ. Үүндээ зориулж улсын төсөвт хоёр тэрбум төгрөг суулгаад амжсан байгаа юм.
Энэ талаар УИХ-ын гишүүн Д.Сарангэрэл, П.Анужин нар ‘2 настай үрсээ хүүхэд харах үйлчилгээнд хамруулах 2 тэрбум төгрөгийн төсвийг УИХ дахь эмэгтэй гишүүд санаачилсаныг парламент тодотголд оруулахаар 100 хувийн саналаар дэмжлээ. Ингэснээр 2 настай хүүхэдтэй 80 мянган ээж ажил хөдөлмөр эрхлэх боломжтой болж байна. Монголын үрс маш олон болтугай’ хэмээн гоё гарсан зургийнхаа хамтаар ихэд бахархангуй нийтэлжээ.
Д.Сарангэрэл, П.Анужин нарын энэхүү санаачилгыг өнгөц харвал томоохон асууудлыг шийдсэн үнэхээр сайхан мэдээ мэт санагдавч ухаад үзвэл уршигтай үр дагавар дагуулж мэдэхээр мөчид шийдвэр гэдэг нь ойлгоход ядах юмгүй. Учир нь Монголд өнөөдөр 18 насанд хүрсэн хэн боловч Хүүхэд харах үйлчилгээ эрхлэх боломжтой бөгөөд үйл ажиллагаа явуулж буй хүүхэд харах үйлчилгээний нөхцөл, стандарт долоон доор байгаа нь нууц биш юм.
Мөн үүн дээр нэмээд яг өнөөдрийн байдлаар 80 мянган хүүхдийг харах мэргэшсэн боловсон хүчин байгаа юу гэдэг асуудал тун ч эргэлзээтэй. Тийм байтал Д.Сарангэрэл, П.Анужин нар 2 настай 80 мянган ээжүүдийг ажил хөдөлмөр эрхлэх боломжоор хангалаа хэмээн шоудах нь учир дутагдалтай. Хэний ч хийж чадахгүйг хийсэн мэт баярлаж бахархах нь үнэхээр ичмээр.
/Олны танил хэд хэдэн эрхэмүүд ч дургүйцлээ ийнхүү илэрхийлсэн байх юм./