Флорида мужийн захиргаанаас генетикийн өөрчлөлтөд орсон 750 сая шумуулыг байгаль орчинд гаргахыг зөвшөөрсөн байна. Үүний зорилго нь зикавирусийн тархалтыг бууруулах аж. Зикавирус нь шумуулаар дамжин хүнд халдварладаг вирус юм.
Тавдугаар сард АНУ-ын Байгаль орчны газраас Англид төвтэй Oxitec компанид OX5034 генетикийн аргаар боловсруулсан Aedes aegypti эр шумуул үйлдвэрлэх зөвшөөрлийг өгчээ. Тэдгээрийг сулласнаар байгаль дээр эм шумуултай үржилд орон, өсөх боломжтой гэж эрдэмтэд үзсэн байна.
Шумуулны эм нь өндгөө гаргахад цус хэрэгтэй байдаг учраас хүн хатгадаг байна. Тиймээс энэхүү эр шумуулнуудыг ил гаргаснаар зэрлэг эм шумуулнуудтай эвцэлд орж вирус халдварлах эрсдэлийг бууруулах юм. Үүнийг хажуугаар эрдэмтэд генийн өөрчлөлттэй шумуулнуудыг мутацид орж, шавжны хоронд тэсвэртэй шумуул гарахаас сэргийлэхийг мөн сануулж байгаа юм байна.
Энэхүү төслийг олон жил хэлэлцсэний дараа удирдаж буй компанийн хүрээлэн буй орчинд сөрөг нөлөө үзүүлэхгүй гэсэн мэдэгдлийн дагуу Засгийн газар дэмжин ажиллажээ.
