Өнөөдөр /2020.08.18/ ЭМЯ-наас шинэ төрлийн коронавируст халдварын талаарх ээлжит мэдээллээ хийсэн. Энэ үеэр ХӨСҮТ-ийн Тандалт, судалгааны албаны дарга Л.Амбасэлмаа манай улсад халдварын тохиолдол нэмэгдээгүй гэдгийг онцлоод, хоёр энхийг сахиулагч эдгэрч, эмнэлгээс гарч буй талаар мэдээлсэн юм.
Мөн түүнчлэн өнөө өглөө ХӨСҮТ-д тусгаарлагдаж байсан нэг эх амаржиж, 1 кг 700 грамм хүү төрүүлсэн тухай ярилаа. Энэ нь тусгаарлалтын дор амаржсан 10 дахь тохиолдол болж буй аж.