БНХАУ-ын Өвөр Монголын өөртөө засах оронд хүчтэй шуурга болж, 33 хүн гэмтэж, бэртсэн байна.
Хятадын төв телевизээр өчигдөр мэдээлснээс хүчтэй шуурга наймдугаар сарын 9-ний 15:30 цагт Өвөр Монголын Дархан Муумянган холбоот хошуунд шуурчээ. Улмаар таван айл орох оронгүй болж, ойролцоох жуулчны баазууд хохирол амсч, хөтөч, мэдээллийн ажилтан тэргүүтэй 33 хүн бэртэж, 150 гаруй монгол гэр сүйдсэн байна.
Өвөр Монголын Засгийн газар онц байдал зарлаж аврах ажиллагаа эхлүүлжээ. Хүний амь эрсдээгүй бөгөөд гэмтсэн хүмүүсийг яаралтай эмнэлэгт хүргэсэн ч гурван хүний бие муу байна.
