Хан-Уул дүүргийн Өлзийт хорооны иргэд “Хүчээ нэгтгэн” дэмжихээ илэрхийлэв

УИХ-ын сонгуулийн 29-р тойрогт МАН-аас нэр дэвшигч Д.Сарангэрэл нийслэлийн Хан-Уул дүүргийн 14-р хороо буюу Өлзийт хорооны иргэд сонгогчидтой уулзлаа. Нийслэлийн алслагдсан хороо болох Өлзийт хороонд 1800 өрх айл, 6000 гаруй хүн оршин суудаг. Тус хороонд 2016-2020 онд бүтээн байгуулалтын ажлууд өрнөж, шинэ цэцэрлэг барьж, байрнуудын засвар шинэчлэлийн ажил өрнөж, худаг байгуулсан нь иргэдийн санал хүсэлтэд тулгуурласан байна. Мөн хэдхэн хоногийн дараа 2 км авто замын ажил эхэлж буйд иргэд талархлаа илэрхийлэв. Тус хороонд цаашид иргэдийн аюулгүй байдлыг хангах хүрээнд камержуулалт, гэрэлтүүлгийн ажил хийхээр төлөвлөжээ.