Хотын агаарын бохирдлыг эх үүсвэрийнх нь талаас авч үзвэл гэр хорооллын 200 мянган айл өрхийн яндан болон 3,000 орчим халаалтын зуух болон цахилгаан станцын яндангаас гарч байгаа утаа. Мөн Улаанбаатар хотод бүртгэлтэй 500 мянга гаруй автомашины яндангийн утаа юм.
Энэ ч учраас агаар орчны бохирдлыг бууруулахад тодорхой хэмжээнд үе шаттайгаар арга хэмжээг авч ажиллах хэрэгтэй байв. Тиймээс богино хугацаанд сайжруулсан түлш хэрэглэж утааг бууруулсан нь засаг төр ард иргэдийн хамтын зүтгэл байлаа.
Бид хичээвэл шийдэлд хүрдэг, шийдэл нь үр дүнд хүрдэг гэдгийг харуулсан юм. Иргэдийн ухамсартай оролцоо, зүтгэл, төр засгийн зөв бодлого, удирдамж ямар үр дүнд хүрдгийг бид харав. Одоо утааны асуудал толгойн өвчин биш болов. Бидэнд хамтдаа шийдэх даван туулах олон асуудал байна аль аль талдаа хичээж байгаа бид чадна.
Сэтгэгдэл бичих