1072 шиpxэг xyвьцаатай иргэн 96480 төгрөгийн ногдол ашиг авна. Нэгж хувьцаанд 90 төгрөг хуваарилах шийдвэрийг ЭТТ-н ТУЗ-өөс гаргасан аж: Уул уурхай хүнд үйлдвэрийн сайд Д.Сумъяабазар, Тус компанийн ТУЗ-ийн дарга Б.Баярсайхан, гүйцэтгэх захирал Б.Ганхуяг нар энэ асуудлаар тун удахгүй мэдээлэл өгөх гэж байна. Компанийн тухай хуулийн дагуу ТУЗ-өөс гаргасан энэ шийдвэрийг энэ оны тавдугаар сарын 1–ний дотор хувьцаа эзэмшигчдээр хэлэлцүүлнэ. Мөн Санхүүгийн зохицуулах хорооны ногдол ашиг хуваарилах шинэ журмын дагуу энэ онд Үнэт цаасны төвлөрсөн хадгаламжийн төвөөр дамжуулан хувьцаа эзэмшигчдэд ногдол ашгийг олгоно. Иймд иргэд хувьцааны дансаа баталгаажуулсан байх ёстой.
Ногдол ашиг хуваарилах болсон тул ЭТТ ХК шинэ аппликэйшн бүтээжээ. Уг аппликэйшнийг татаж аван, иргэд хэчнээн хувьцаатайгаа шалгах, санал өгөх, мэдээ мэдээлэл хүлээн авах, хөрөнгийн зах зээлд оролцох боломжтой юм байна.
Мөн компанийн хувьцаа эзэмшигчдийн хурал болох хуртэл даваа гараг бүрийн 13.00 цагт тус компани хэвлэлийн хурал хийж, компанийн үйл ажиллагааны мэдээллийг өгөх юм байна. Иргэд мэдээллийг ЭТТ-г цахим хуудас, фэйсбүүкийн хуудас, 1072 фэйсбүүк хуудас болон 1800-1072 утаснаас буюу албан ёсны хуудаснаас авах хэрэгтэйг анхааруулав.
Гүйцэтгэх захирал Б.Ганхуяг дараах мэдээллийг өгөв: ЭТТ ХК 2019 онд 1 тэрбум 30 сая ам.долларын борлуулалтын орлого олсон. 1 их наяд төгрөгийн цэвэр ашигтай ажилласан. Улсын төсөвт 670 тэрбум төргөг төвлөрүүлсэн. Компани 2016 оноос хойш ашигтай ажиллаж, их хэмжээний гадаад дотоод төлбөрийг барагдууллаа. Иймд анх удаа ногдол ашиг хуваарилах гэж байна. Гэвч өнөөдрийн байдлаар 580 мянган иргэн хувьцааны бүртгэлээ хийлгээгүй байна. Голдуу хүүхдүүд, гадаадад амьдардаг иргэд бүртгүүлээгүй байна. Ногдол ашгийг 2020 онд багтаан олгоно. Тавдугаар сараас олгож эхэлнэ.
Иргэдийн банкны данс руу ногдол ашгийг шилжүүлэх учир иргэд манай компанийн байр болон 1072 хувьцааны төвд биеэр ирэх шаардлага байхгүй. Ногдол ашгийг бэлэн мөнгө хэлбэрээр тараахгүй. Титэмт вирусын халдвар тархах эрсдэл байгааг бодох хэрэгтэй гэв.
Иргэдийн хувьцааны бүртгэлийг албан ёсоор хийж дуусгах ажлыг Сангийн дэд сайд Х.Булгантуяа ахлан ажиллаж байна гэв.
Иргэдэд ногдол ашиг тараахад нийт 200 орчим тэрбум төгрөг хуваарилна. Энэ шийдвэр сонгууль угтсан, улс төрийн шийдвэр биш гэдгийг УУХҮ-ийн сайд онцлов. Мөн тэрээр өмнөх Засгийн газар буюу Ч.Сайханбилэгийн танхим “Сайн хувьцаа” хөтөлбөр хэрэгжүүлэн, зарим иргэний хувьцааг бэлэн мөнгөөр худалдаж авсныг ч дурдлаа.
Өмнөх жилүүдэд ЭТТ ХК ашиггүй ажилласан тул ногдол ашиг хуваарилах санхүүгийн боломж байгаагүй гэв.
ЭТТ ХК улсын төсвийн орлогын 40 орчим хувийг дангаараа бүрдүүлдэг. Одоогоор 1.1 сая иргэнийг бүртээд байна. Малчдын 90 хувийг бүртгэсэн. Гэхдээ шинээр төрсөн 600 мянган хүүхдийг хувьцаа эзэмшигчээр бүртгэх, эсэх шийдвэрийг Засгийн газрын хуралдаанаас гаргана гэв.
Эзэмшиж буй хувьцааны тоо | Тус хувьцаанд ногдуулах үнэ | Тус хувьцааг эзэмшиж буй иргэдийн тоо |
527 | 47130 | 10844 |
536 | 48240 | 28160 |
741 | 66690 | 334519 |
750 | 67500 | 667898 |
848 | 76320 | 41359 |
857 | 77130 | 131256 |
955 | 85950 | 9393 |
964 | 86760 | 34491 |
1063 | 95670 | 56346 |
1087 | 96480 | 10800592 |
Ногдол ашиг авснаар таны эзэмшиж буй хувьцааны тоо буурахгүй.
Сэтгэгдэл бичих