УИХ-ын Аюулгүй байдал гадаад бодлогын байнгын хорооны хуралдаанаар хар тамхины хэрэгт холбогдсон дипломатуудтай холбоотой асуудлаар хаалттай мэдээлэл сонслоо. Цаашид хар тамхитай холбоотой хэрэгт анхаарал хандуулж тусгай байгууллага байгуулах эсэхийг зөвшилцсөн байна. Истанбул дахь консулын газрын хоёр ажилтанд холбогдох хэрэг анхны тохиолдол биш олон удаагийн үйлдлээр хар тамхи зөөвөрлөсөн байх магадлалтайг байнгын хороон дарга хэллээ. Хуулийн байгууллага энэ асуудлыг эрчимтэй шалгаж байна гэсэн юм.
Харин манай улсад сүүлийн арав орчим жил хар тамхи наймаалах асуудал эрчимжиж хуулийн байгууллагын удирдлага ч холбогдсон асуудал байсныг УИХ-ын гишүүн Ж.Батзандан хэллээ. Тухайлбал ТЕГ-ын дарга асан Б.Хурцтай холбоотой хэрэг ч олон байгаа гэсэн юм.
Сэтгэгдэл бичих