“Дээлтэй Монгол-2026” наадам өнөөдөр төв талбайд зохион байгуулагдана. Наадмын эхэнд Монгол үндэсний хувцастай иргэдийн баярын жагсаалд Монгол туургатны төлөөлөл болон аймаг, нийслэл, дүүргийн иргэд, аж ахуй нэгж байгууллагын албан хаагчид хамгийн сайхан дээл хувцсаараа гоён жагсана.
Мөн Монгол Улсын Ерөнхийлөгч У.Хүрэлсүх, гэргий Л.Болорцэцэг нар БНСУ-ын Ерөнхийлөгч И Жэ Мён, гэргий Ким Хе Гён нарыг Д.Сүхбаатарын талбайд албан ёсоор угтах ёслол болно.
Наадмын үеэр:
– Шилдэг дүүрэг
– Шилдэг аж ахуйн нэгж байгууллага
– Шилдэг дээл урлаач
– Хамгийн сайхан дээлтэй гэр бүл
– Хамгийн сайхан дээлтэй оролцогч /эрэгтэй, эмэгтэй/
– Монгол үндэсний хувцастай гадаадын шилдэг оролцогч /эрэгтэй, эмэгтэй/
-Хамгийн сайхан дээлтэй хүүхэд /эрэгтэй, эмэгтэй/ номинаци шалгаруулах юм.
Үүнээс гадна Монгол Улсад айлчлан ирэх БНСУ-ын ерөнхийлөгч И Жэ Мюныг наадамд оролцож буй үндэсний дээл, хувцастай иргэд угтан авах юм байна.
Наадмын хөтөлбөрт Харанга хамтлагийн дуучин Х.Лхагвасүрэн, Чингис хаан хамтлагийн ахлагч Д.Жаргалсайхан, МУСТА Т.Дэлгэрмөрөн, А.Мөнхбат, МУГЖ Д.Бурмаа, Л.Банзрагч нар ая дуугаа өргөх бол морин хуурын тоглолт, монгол бүжгийн үзүүлбэр зэрэг багтжээ.
Та бүхэнд “Дээлтэй Монгол” наадмын хөтөлбөрийг танилцуулж байна.
Сэтгэгдэл бичих