Богд Хааны Ордон музей үзэгч олондоо зориулсан түүх, соёлын өвийг сурталчлах, боловсролын олон талт үйл ажиллагаагаа өргөжүүлж, “Хаан ордны хавар 2026” тусгай хөтөлбөрийн нээлттэй өдрүүдийг зарлалаа.
Тус арга хэмжээ 2026 оны 5-р сарын 18-наас 28-ны хооронд үргэлжлэх бөгөөд энэ хугацаанд олон төрлийн үзэсгэлэн, урлаг, боловсролын хөтөлбөрүүд зохион байгуулагдана.
Хөтөлбөрийн хүрээнд “Энэрэхүйн хүч” үзэсгэлэн 5-р сарын 18-28-ны өдрүүдэд дэлгэгдэх бол 05-р сарын 18-ны өдөр “Веган хоолны өдөрлөг”, “Урлагийн тоглолт” зэрэг арга хэмжээ тус тус зохион байгуулагдах юм.
Мөн 5-р сарын 18-28-ны хооронд “Боловсролын хөтөлбөр” хэрэгжих бөгөөд энэ хугацаанд музейн танин мэдэхүйн үйл ажиллагаа өргөжихөөр байна.
Нээлттэй өдрүүдийн хүрээнд тасалбарын хөнгөлөлт үйлчлэх бөгөөд өндөр настан, тусгай хэрэгцээт иргэд болон 0-16 насны хүүхдүүд үнэ төлбөргүй, харин насанд хүрэгчид болон оюутнууд 50 хувийн хөнгөлөлттэй үнээр музей үзэх боломжтой юм.
Сэтгэгдэл бичих