“POWER EXPO & FESTIVAL” олон улсын наадам 14 дэх жилдээ зохион байгуулагдах гэж байна

Монгол Улсын Засгийн газар 2023–2028 оныг “Монголд зочлох жил” болгон зарлаж, Монгол Улсыг олон улсад танилцуулах, сурталчлах зорилготой аялал жуулчлал, соёл, спортын арга хэмжээнүүдийг зохион байгуулж байгаа билээ. Энэ хүрээнд Улаанбаатар хотноо экстрим спорт сонирхогчдын 14 дэх удаагийн “POWER EXPO & FESTIVAL–2026” олон улсын наадмыг 2026 оны тавдугаар сарын 8, 9, 10-ны өдрүүдэд 22-ын товчооны Авто худалдааны цогцолбор төвийн “Power Land” талбайд зохион байгуулах гэж байна.

“POWER EXPO & FESTIVAL” нь 2026 оны нэгдүгээр сард Тайланд улсын нийслэл Бангкок хотноо зохион байгуулагдсан Азийн автомашины шилдгүүдийг шалгаруулах тав дахь удаагийн (AAA–Asian Automotive Awards) шагнал гардуулах ёслолоос “Азийн мотоспортын шилдэг арга хэмжээ” шагналыг Монгол Улсаас анх удаа хүртсэн олон улсын нэр хүндтэй арга хэмжээ юм.

“POWER EXPO & FESTIVAL” 14 дэх удаагийн наадамд 10 орны баг, тамирчид оролцоно. Мөн өмнө жилээс наадмын нэг хэсэг болон зохион байгуулагдаж эхэлсэн “Racing TOP Model Asia” олон улсын уралдааны моделийн шалгаруулалтаа өргөжүүлж, гаднын 3-5 орноос зэрэглэл өндөр моделиуд албан ёсоор хүрэлцэн ирж монгол моделиудтай нэгэн тайзнаа өрсөлдөнө.

Фестивалийн өдрүүдэд болох онцлох үйл явдлууд:

1. International drift cup
2. Авто клубийн парад
3. Дрифт такси
4. Racing top model asia 2026
5. Celebrity drift challenge
6. Tuning cars & Models runway
7. Go carting
8. POWER Fighting – Холимог тулаан
9. Tuning custom cars
10. Cool cars & авто машин худалдаа
11. Автобусны ур чадварын тэмцээн
12. Gymkhana Show
13. Rally Cross / Мастер Кросс / UTV / 4×4 / Super Car
14. 3х3 сагсанбөмбөгийн тэмцээн
15. Экстрим үзүүлбэрүүд
16. Tandem battle

“POWER EXPO & FESTIVAL-2026” наадмын талаар дэлгэрэнгүй мэдээллийг POWER Expo & Festival сошиал хаяг болон 69967070 дугаарын утсаар холбогдон авах боломжтой.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС