2026 оны нэгдүгээр ээлжийн цэрэг татлага нийслэлийн хэмжээнд тавдугаар сарын 1-ний өдрөөс буюу маргааш эхлэх гэж байна. Цэрэг татлагыг тавдугаар сарын 1-3-ны өдрүүдэд нийслэлийн зургаан дүүргийн хэмжээнд тогтоосон байруудад зохион байгуулна.
Цэрэг татлага явагдах байршлууд:
- Баянгол дүүргийн Цэрэг татлагын байр – 96-р сургууль
- Баянзүрх дүүргийн Цэрэг татлагын байр – 14-р сургууль
- Сүхбаатар дүүргийн Цэрэг татлагын байр – 3-р сургууль
- Сонгинохайрхан дүүргийн Цэрэг татлагын байр – 83-р сургууль
- Чингэлтэй дүүргийн Цэрэг татлагын байр – 5-р сургууль
- Хан-Уул дүүргийн Цэрэг татлагын байр – 34-р сургууль.
Хөдөө орон нутагт зарлан дуудах мэдэгдэл авсан иргэд Улаанбаатар хотод түр оршин суугаа газрынхаа харьяа цэрэг татлагын байруудад очиж цэрэг татлагат оролцож болно. Цэргийн албаны тухай хуулийн 12.7-д ингэж заасан байдаг аж. Иргэн цэрэг татлагын товчоонд иргэний үнэмлэх, цэргийн үүрэгтний үнэмлэхээ авч очих ёстой.
Харин хугацаат цэргийн албыг өөрийн биеэр хаах боломжгүй бол шалтгааныг тодорхойлсон баримт бичгийг бүрдүүлж авч очно. Тухайлбал ар гэрийнхэн, дүү нараа асардаг бол хорооноос ам бүлийн тодорхойлолт, эрүүл мэндийн шалтгаантай бол хамгийн сүүлд эмнэлэгт үзүүлсэн эмчийн үзлэгийн хуудас, баримт бичиг, өргөдлийг авч очно. Гадаад улс оронд ажиллаж, сурч байгаа бол сурч, ажиллаж байгаа гэрээг хамгийн сүүлийн огноотойгоор нотолгоо болгоно. Баримт бичгүүд нотолгоо болох шаардлагыг хангасан бол цэргийн албанаас дараагийн цэрэг татлага хүртэл түр чөлөөлнө.
Энэ удаагийн цэрэг татлагад хамрагдсан иргэд хилийн болон дотоодын цэргийн анги салбаруудад алба хаана.
Мэдээллийн эх сурвалж: eguur.mn
Сэтгэгдэл бичих