Авлигатай тэмцэх газраас Замын-Үүд дэх Гаалийн газарт шалгалт хийж, зарим албан тушаалтны гэр, албан өрөөнд шалгалт хийж буй талаар өчигдөр мэдээлсэн. Тэгвэл АТГ-ын мөрдөгчид 4-р сарын 21,22-ны өдрүүдэд тус гаалийн газрын улсын байцаагч нарт холбогдох эрүүгийн гурван хэрэгт мөрдөн шалгах ажиллагаа явуулж байгаа ажээ.
Ингэхдээ Замын-Үүд дэх Гаалийн газрын 40 гаруй байцаагч, гаалийн бүрдүүлэлт хийдэг 10 гаруй аж ахуйн нэгж, хувь хүнийг нэгжиж, гаалийн гурван ажилтныг баривчилсан байна. Мөн хэрэгт хувь хүмүүсийг холбогдуулан шалгаж байгаа бөгөөд гаалийн ажилтнуудад хахууль өгсөн байж болзошгүй үйлдлийг шалгаж байгаа тухай эх сурвалжууд мэдээлэв. Тус гаалийн газрын нэр бүхий албан тушаалтнууд, гаалийн бүрдүүлэлт хийдэг этгээдүүдэд эрх мэдэл, албан тушаалаа урвуулан ашиглаж, бусдаас их хэмжээний хахууль авах гэмт хэргийг бүлэглэн үйлдсэн байж болзошгүй байгаа юм.
Сэтгэгдэл бичих