УИХ-ын гишүүн Монгол Улсын нийтлэг эрх ашгийг дээдлэн ард түмний элч төлөөлөгч болон ажиллах хуультай атал авлигач нарыг хамгаалагч, гадны аж ахуйн нэгжийн гар хөл болдог боллоо. Тухайбал УИХ-ын гишүүн, хуульзүйн байнгын хорооны Ш.Раднаасэд хөөн хэлэлцэх хугацааг багасгаж авлигач нарт боломж олгов. Тэрбум төгрөгийг бэлнээр авч баригдсан, 20 гаруй холбогдогчтой МХЕГ-т үүрлэсэн асар том сүлжээг АТГ-ын албан хаагчид илрүүлсэн.
Тэдний нөр их хөдөлмөр зүтгэлийг Ш.Раднаасэд үгүй хийгээд зогсохгүй шударга ёсны төлөөх олон зуун хүн тэмцлийг үнэгүйдүүлж орхисон юм. Ш.Раднаасэд МХЕГ-ын даргаар ажиллаад зогсохгүй дээрх нөхдөөс мөнгө авдаг гэсэн мэдээлэл олон нийтийн сүлжээгээр тархаад байгаа билээ. Хөөн хэлэлцэх хугацааг багасгасаар “Жаст”-ын Батхүү, 60 тэрбумын бичлэг, Сүхбаатарын талбайг зарсан, иргэдийн эрүүдсэн гээд асуудлууд хэрэгсэхгүй болно.
Эх орноосоо урвасан, Үндэсний аюулгүй байдалд халдсан, шударга ёсны эсрэг, авлигатай тэмцэх үйл явцын хүчийг сулруулсан, өргөсөн тангарагаасаа няцсан гадны компанид нууцын зэрэглэлтэй ажлын хэсгийн дүгнэлтийг дамжуулсан УИХ-ын гишүүн Д.Дамба-Очир, хөөн хэлэлцэх хугацааг багасгаж авлигач нарыг ялгүй мултлах хууль санаачилсан Ш.Раднаасэд нарыг эргүүлэн татах, хариуцлага тооцох шаардлагыг УИХ-ын дарга Г.Занданшатар, УИХ дахь МАН-ын бүлгийн дарга Д.Тогтохсүрэн нарт хүргүүлж буйгаа мэдэгдэж байна.
Сэтгэгдэл бичих