Монгол Улсад ханиадны эм нэрээр борлуулагдаж буй зарим бүтээгдэхүүнтэй холбоотойгоор энэ онд цагдаагийн байгууллагад нийт 14 гомдол, мэдээлэл бүртгэгдээд байгааг Цагдаагийн Ерөнхий Газраас анхаарууллаа.
Цагдаагийн байгууллагын мэдээлснээр, гадаад улсаас импортлон худалдаалж буй нэр бүхий эмийн найрлагад сэтгэцэд нөлөөт бодис агуулагдсан нь тогтоогджээ. Уг бодис нь НҮБ-ын мансууруулах болон сэтгэцэд нөлөөт бодисын конвенцын III жагсаалтад багтдаг, олон улсын хэмжээнд хатуу хяналттай бодис юм.
Энэхүү төрлийн бодис нь:
-
өвдөлт намдаах
-
ханиалга дарах үйлчилгээтэй
боловч донтуулах өндөр эрсдэлтэй тул зохицуулалттай хэрэглэгддэг байна.
Хууль хяналтын байгууллагаас анхааруулснаар:
-
ийм найрлагатай эмийг зөвшөөрөлгүй импортлох
-
жоргүйгээр худалдаалах
нь Монгол Улсын хууль тогтоомжийг зөрчсөн үйлдэлд тооцогдоно.
👉 Иймд иргэдийг:
-
эм, тариаг зөвхөн албан ёсны эмийн сангаас худалдан авах
-
эмчийн заавар, жорын дагуу хэрэглэх
-
гарал үүсэл тодорхойгүй бүтээгдэхүүнээс татгалзахыг зөвлөж байна.
Сэтгэгдэл бичих